ஆத்துார்:தலைவாசல் ஏரிக்கரையில், 'பூம் பூம்' மாட்டுக்காரர்களான, 36 குடும்பத்தினர், 50 ஆண்டுகளுக்கு மேல் குடிசைகள் அமைத்து வசித்து வருகின்றனர். இவர்கள் சில ஆண்டுகளாக இலவச வீட்டுமனை பட்டா, ஜாதி சான்றிதழ் உள்ளிட்ட அடிப்படை வசதிகள் கேட்டு மனு அளித்து வருகின்றனர்.நேற்று ஆத்துார் ஆர்.டி.ஓ., அலுவலகத்தில், கலெக்டர் பிருந்தாதேவி ஆய்வு பணியில் ஈடுபட்டிருந்தார். அப்போது அங்கு வந்த, பூம் பூம் மாட்டுக்காரர்கள், குடம், சமையல் பாத்திரங்களுடன் அமர்ந்து, தர்ணாவில் ஈடுபட்டனர்.