சேலம்: சேலம் தொழிலாளர் உதவி கமிஷனர் சங்கீதா அறிக்கை: தொழிலாளர் உதவி கமிஷனர்(சமூக பாதுகாப்பு திட்டம்) அலுவலகத்தில், தமிழ்நாடு உடலுழைப்பு தொழிலாளர் சமூக பாதுகாப்பு நல வாரியம் உருவாக்கப்பட்டு, 18 வகை தொழிலாளர் நல வாரியங்கள் செயல்படுகின்றன. அதில் ஆட்டோ ஓட்டுனர் தொழிலில் ஈடுபட்டுள்ள, 18 முதல், 60 வயதுக்குட்பட்ட தொழிலாளர்கள் பதிவு செய்யலாம். இதற்கான சிறப்பு முகாம், ஜன., 10(இன்று) காலை, 10:00 முதல் மாலை, 4:00 மணி வரை, புது பஸ் ஸ்டாண்ட் அருகே உள்ள பூமாலை வணிக வளாகத்தில் நடக்கிறது.