இவர்களது பக்கத்து அறையில் நாமக்கல்லை சேர்ந்த கண்ணன், 32, அடைக்கப்பட்டுள்ளார். விசாரணைக்கு கடந்த, 8ல் கண்ணனை, நாமக்கல் கோர்ட்டுக்கு போலீசார் அழைத்துச்செல்ல முயன்றனர். அப்போது, 4 கைதிகளும், 'கோர்ட்டுக்கு சென்று வரும்போது போதைப்பொருட்கள் வாங்கி வரவேண்டும்' என கூறினர்.

அவர் வாங்கி வரவில்லை. இதில் ஆத்திரம் அடைந்த கைதிகள், 4 பேரும் கண்ணனை மிரட்டி, அவரது மனைவியின் மொபைல் எண், வீட்டு முகவரியை பெற்றனர். பின் அவர்கள், '4 பேரும் விரைவில் வெளியே செல்வோம். அப்போது உன் மனைவி, குடும்பத்தினரை கடத்துவோம்' என மிரட்டினர். அச்சமடைந்த கண்ணன், சிறை காவலர்களிடம் தெரிவித்தார்.அவர்கள், 4 கைதிகள் மீது, அஸ்தம்பட்டி போலீசில் புகார் அளித்தனர். அதன்படி கொலை முயற்சி, மிரட்டல் பிரிவுகளில், 4 பேர் மீதும் நேற்று வழக்குப்பதிந்து போலீசார் விசாரிக்கின்றனர். இதனிடையே, 4 கைதிகளும், உறவினர்களை பார்க்க, 3 மாதங்கள் தடை விதித்து, சிறை கண்காணிப்பாளர் வினோத் உத்தரவிட்டார்.