கெங்கவல்லி: தலைவாசல் அருகே புனல்வாசலை சேர்ந்தவர் குமரேசன், 35. காட்டுக்கோட்டையில் உள்ள லாரி பட்டறையில் கூலி வேலை செய்கிறார். இவரது மனைவி செல்வமணி, 30. இவர்களது, 3 வயது ஆண் குழந்தை பூவரசன். நேற்று கொட்டகையில் குழந்தையை துாங்க வைத்துவிட்டு, செல்வமணி, தோட்டத்தில் வேலை செய்து கொண்டிருந்தார். மதியம், 2:00 மணிக்கு, குழந்தையை பார்த்தபோது மயங்கி கிடந்தது. உடனே, ஆத்துார் அரசு மருத்துவமனைக்கு கொண்டு சென்றார். ஆனால் குழந்தை இறந்துவிட்டதாக, மருத்துவர்கள் கூறினர். கெங்கவல்லி போலீசார் விசாரிக்கின்றனர்.