வீரபாண்டி: சேலம், பூலாவரியை சேர்ந்த பழனிசாமி தலைமையில் சுற்றுவட்டார முருக பக்தர்கள் இணைந்து, ஸ்ரீதிருமுருகன் திருச்சபை அமைப்பை தொடங்கினர். அவர்கள், பூலாவரியில் இருந்து பழநிக்கு பாதயாத்திரையாக சென்று தை முதல் நாளில் முருகனை தரிசிக்கின்றனர். அதன்படி, 53ம் ஆண்டாக பாதயாத்திரை செல்வோர், மார்கழி பிறப்பன்று மாலை அணிந்து விரதத்தை தொடங்கினர். சிலர் இடையிலும் மாலை அணிந்து விரதத்தை தொடங்கினர். இவர்கள் நேற்று காலை பூலாவரி முருகன் கோவிலில் சிறப்பு பூஜை செய்து கையில் வேல் ஏந்தி பாதயாத்திரையை தொடங்கினர். தொடர்ந்து உத்தமசோழபுரம் கரபுரநாதர் கோவிலில் பெரியநாயகி தாயார், கரபுரநாதரை வழிபட்டு, கோவிலுக்கு வெளியே பக்தர்களுக்கு அன்னதானம் வழங்கினர்.