ஆத்துார்: சேலம் மாவட்டம் நரசிங்கபுரம் நகராட்சி, 8வது வார்டு கவுன்சிலர் புஷ்பாவதி, 48. தி.மு.க.,வை சேர்ந்த இவர், நேற்று மதியம், 12:00 மணிக்கு நகராட்சி அலுவலகம் வந்தார். அங்கு ஆய்வாளர் சரவணனிடம், 'குடிநீர், வீட்டுவரி, பெயர் மாற்றம் உள்ளிட்ட மனுக்கள் அளித்து, 6 மாதங்களாகியும் நடவடிக்கை இல்லை. வீட்டு வரி, பெயர் மாற்றத்துக்கு, 20,000 ரூபாய் கேட்டீர்கள். அத்தொகையை தராததால் அலைக்கழித்து வருகிறீர்கள்' என கூறி வாக்குவாதம் செய்தார்.