குறும்பர் தெரு சாலை, நத்தமேடு ஏரிக்கரை பகுதியிலும், 'குடி'மகன்கள் நள்ளிரவு வரை கும்மாளமிடுகின்றனர். மேலும், போதை பொருட்கள் கை மாறும் இடமாகவும் மாறியுள்ளது. மக்கள் நடமாடும் சாலையிலேயே, இருசக்கர வாகனம், ஆட்டோ, கார் ஆகியவற்றை நிறுத்தியபடியே குடிக்கின்றனர். இதனால் மாலையில் அந்த வழியே செல்லும் பெண்கள், டியூசன் முடிந்து செல்லும் மாணவியர் அச்சத்துக்கு ஆளாகின்றனர். மேலும் போக்குவரத்துக்கும் இடையூறாக உள்ளதால் அங்கு முகாமிடும் கும்பலை நிரந்தரமாக விரட்ட, போலீசார் நடவடிக்கை எடுக்க, மாணவியரின் பெற்றோர் வலியுறுத்தி உள்ளனர்.