நல்லதம்பி: கொட்டவாடியில் உள்ள, பேளூர் - கரடிப்பட்டி கூட்-டுறவு கடன் சங்கத்தில் பயிர் கடன் தராமல், 4 மாதங்களாக அலைக்கழிக்கின்றனர். புது உறுப்பினர்களுக்கு கடன் கிடையாது என கூறுகின்றனர்.

தொடர்ந்து பழனிமுத்து, நடராஜ், கோவிந்தன் உள்ளிட்ட நிறைய விவசாயிகள், கூட்டுறவு சங்கங்களில் பயிர் கடன் தராமல் போக்-குகாட்டுவதாக சரமாரியாக குற்றம்சாட்டி பேசினர். இதனால் சல-சலப்பு உண்டானது. பின் அனைவரையும் சமாதானப்படுத்திய கலெக்டர் பிருந்தாதேவி, உரிய நடவடிக்கை எடுப்பதாக உறுதி அளித்தார். இதனால் விவசாயிகள் அமைதி அடைந்தனர்.

பெரியண்ணன்: ஊனத்துார் ஊராட்சியில், 2 மாதங்களுக்கு முன் நடந்த சமூக தணிக்கையில், 2022 - 24 வரை, 100 நாள் வேலை திட்டத்தில் பல லட்சம் ரூபாய் முறைகேடு நடந்துள்ளது. இதில் நடவடிக்கை இல்லாததால், சிறப்பு தணிக்கை நடத்தி, ஊழலை வெளிக்கொண்டு வந்து, கையாடல் செய்தவர்களை தண்டிக்க வேண்டும்.

கோவிந்தன்: கருமந்துறையில் வாடகை கட்டடத்தில் இயங்கும் வேளாண் உதவி அலுவலகத்துக்கு சொந்த கட்டடம் கட்ட பல-முறை மனு கொடுத்தும் அதிகாரிகள் அலட்சியம் காட்டுகின்-றனர். விவசாயிகள் சொந்த நிலத்தில் உலர்களம் அமைக்க, மானி-யத்துடன் கடனுதவி வழங்க வேண்டும்.

ராஜகோபால்: உயர்நீதிமன்றம் உத்தரவிட்டும் நாவக்குறிச்சியில், 8 ஏக்கர் நீர்வழித்-தட ஆக்கிரமிப்பு அகற்றப்படவில்லை. அதேபோல் நாவக்குறிச்சி ஏரி ஆக்கிரமிப்பை, ஒன்றிய அதிகாரிகள் கண்டுகொள்ளவில்லை. பொதுப்பணிக்கு சொந்தமான புத்துார் ஏரியும் ஆக்கிரமிப்பில் உள்ளது.

பால தண்டாயுதபாணி: புதுமாவாறு ஊராட்சியில் மலைவாழ் மக்-களுக்கான வழித்தடத்தை ஆக்கிரமிப்பு செய்வதால், உடனே தடுக்க வேண்டும்.ராமச்சந்திரன்: மண்மலை ஊராட்சியில் சாலைகளை பயன்படுத்த முடியாதபடி குண்டும், குழியுமாக உள்ளது. பழுதான குடிநீர் மோட்டாரை எடுத்துச்சென்று, 2 ஆண்டாகியும் திரும்ப பொருத்-தாததால், 2 கி.மீ.,ல் உள்ள பெருமாள் கோவில் பாலி பகுதியில் தண்ணீர் எடுக்க செல்ல வேண்டியுள்ளது. இவ்வாறு அவர்கள் பேசினர்.