மேட்டூர்: மேட்டூர் அணை நீர்மட்டம், 39.75 அடியாக சரிந்த நிலையில், 50 கி.மீ., சுற்றளவில் மட்டும் தண்ணீர் தேங்கி நிற்கிறது. இதனால் திலேப்பியா மீன்கள் அதிகளவில் வலையில் சிக்குகின்றன. குறிப்பாக கொளத்துார், மேட்டுபழையூர் அடுத்த கோவில்காடுகுட்டை, கோட்டையூர் சுற்றுப்பகுதிகளில் இந்த வகை மீன்களை, தடை செய்யப்பட்ட வலைகளை பயன்படுத்தி மீனவர்கள் பிடிக்கின்றனர். தொடர்ந்து மீன்களை தரம் பிரித்து, கால் கிலோவுக்கு மேல் உள்ள மீன்களை மட்டும் வியாபாரிகள் கொள்முதல் செய்து ஆந்திரா, கேரளா மாநிலங்களுக்கு விற்பனைக்கு அனுப்புகின்றனர்.