ஆத்துார் அரசு மருத்துவமனையில், ரத்ததான முகாமை, சேலம் கிழக்கு மாவட்ட தலைவர் அர்த்தனாரி தொடங்கி வைத்தார். 20க்கும் மேற்பட்ட காங்., கட்சியினர் ரத்த தானம் வழங்கினர். நகர தலைவர் முருகேசன், நகர, ஒன்றிய நிர்வாகிகள் பங்கேற்றனர்.

சேலம் மேற்கு மாவட்ட இளைஞர் காங்., சார்பில், மாவட்ட தலைவர் திருமலைவாசன் தலைமையில் கட்சியினர், கோனுாரில், 20க்கும் மேற்பட்ட துாய்மை பணியாளர்களுக்கு நலத்திட்ட உதவிகள் வழங்கினர். மேட்டூர் அரசு மருத்துவமனையில், கட்சி நிர்வாகிகள் ரத்ததானம் வழங்கினர். ஐ.என்.டி.யு.சி., மாநில பொருளாளர் பாலசுப்ரமணியன், முன்னாள் கவுன்சிலர் சக்திவேல், நங்கவள்ளி வட்டார தலைவர் அருண்குமார் உள்பட பலர் பங்கேற்றனர்.

வேட்டி, சேலை

ஓமலுாரில், சேலம் மேற்கு மாவட்ட பொதுச்செயலர் கணேசன் தலைமையில், பொதுக்குழு உறுப்பினர் மணி, 10 பேருக்கு, வேட்டி, சேலை, காய்கறி வழங்கினார். காடையாம்பட்டி, நங்கவள்ளி, ஜலகண்டாபுரம் பகுதிகளிலும், காங்., கட்சியினர் ராகுல் பிறந்தநாளை கொண்டாடினர்.

தாரமங்கலத்தில், நகர தலைவர் சண்முகம் தலைமையில் கட்சியினர், சக்தி மாரியம்மன் கோவிலில் வழிபட்டு இனிப்பு வழங்கினர். வட்டார தலைவர் ரத்தினம், நகர பொறுப்பாளர்கள் மனோகரன், தட்சணாமூர்த்தி உள்பட பலர் பங்கேற்றனர்.