சேலம், தாதகாப்பட்டி, சண்முகா நகர், மதுரகாளியம்மன் கோவில் தெருவை சேர்ந்தவர் தினேஷ்குமார், 20. இவர், 2024ல் அடிதடி வழக்கில் கைது செய்யப்பட்டு, சேலம் மத்திய சிறையில் அடைக்கப்பட்டார். சேலம், குகையை சேர்ந்தவர் வின்சென்ட், 45. இவர், 2023ல் அடிதடி வழக்கில் கைதானார். எருமாபாளையம், தமிழ்மணி பஜனை மடம் தெருவை சேர்ந்த தயாளன், 29. இவர், 2021ல் அடிதடி வழக்கில் கைதானார். இவர்கள் அனைவரும், ஜாமினில் வந்து வழக்கு விசாரணைக்கு ஆஜராகாததால், நீதிமன்றம் பிடிவாரன்ட் பிறப்பித்தது. இந்நிலையில் அவர்களை, நேற்று, அந்தந்த ஸ்டேஷன் போலீசார் கைது செய்தனர்.