சேலம்: ஆத்துார், அம்மம்பாளையத்தை சேர்ந்த, 23 வயது பெண்ணுக்கு, ஆன்லைனில் பகுதி நேர வேலை தருவதாக கூறி, ஒருவரிடமிருந்து வாட்ஸாப், டெலிகிராமில் தகவல் வந்தது.தொடர்ந்து, அந்த நபர், 10 முதல், 30 வினாடிகளில், 'ஸ்பாட்டிபை'யில் பாடலை கேட்டு 'ஸ்கிரீன்ஷாட்' எடுத்து வேலையை பகிர்ந்துகொள்ளுங்கள் என்றார். அந்த பெண்ணும் அதன்படி செய்ய, சிறிது தொகையை பெற்றார். பின் அந்த நபர், ஒரு இணையதள முகவரியில் அதிக பணத்தை முதலீடு செய்யும்படி தெரிவித்தார். அதை நம்பி கடந்த பிப்., 20 முதல், 28 வரை, 13.69 லட்சம் ரூபாய் முதலீடு செய்துள்ளார்.