இதுகுறித்து, மாவட்ட சுற்றுச்சூழல் பொறியாளர் நித்யலட்சுமி கூறுகையில், ''சுற்றுச்சூழல் அலுவலர்கள் அடங்கிய குழுவினர், சோதனையில் ஈடுபடும்போது தடை செய்யப்பட்ட பொருட்களால் ஆன சிலைகள் இருப்பது கண்டுபிடித்தால் பறிமுதல் செய்யப்பட்டு, சட்ட நடவடிக்கை எடுக்கப்படும்,'' என்றார். சேலம் எஸ்.பி., கவுதம் கோயல் கூறுகையில், ''சிலைகள், 10 அடி உயரத்துக்குள் இருக்க வேண்டும். ஆர்.டி.ஓ., ஒப்புதல் பெறுதல் உள்பட உயர்நீதிமன்ற நிபந்தனைகளின்படி அனுமதிக்கப்படும். குறிப்பாக கடந்த ஆண்டு அனுமதிக்கப்பட்ட அதே எண்ணிக்கைக்கு தான், இப்போதும் அனுமதி உண்டு. புது இடத்தில் சிலைகள் வைக்க அனுமதி இல்லை,'' என்றார்.