சேலம், தமிழ்நாடு அரசு ஊழியர் சங்கம் சார்பில், சேலம் கோட்டை மைதானத்தில் நேற்று ஆர்ப்பாட்டம் நடந்தது. மாவட்ட தலைவர் ராமாயி தலைமை வகித்தார். மாவட்ட செயலர் செல்வம் பேசினார். அதில், தி.மு.க., அரசின் தேர்தல் கால வாக்குறுதி எண்: 309ன் படி அரசு ஊழியர்களின் பழைய ஓய்வூதிய திட்டத்தை உடனே அமல்படுத்தல்; கடந்த ஜூலை, 1 முதல், மத்திய அரசு அறிவித்ததை போன்று, 3 சதவீத அகவிலைப்படியை உடனே வழங்குதல் என்பன உள்பட, 30 அம்ச கோரிக்கைகளை வலியுறுத்தினர்.