இதையடுத்து அந்த ஆசிரியரை, 'சஸ்பெண்ட்' செய்து, சேலம் முதன்மை கல்வி அலுவலர் கபீர், நேற்று முன்தினம் உத்தரவிட்டார்.

நேற்று காலை, 7:00 மணிக்கு, 50க்கும் மேற்பட்ட மாணவ, மாணவியர், கிழக்கு ராஜாபாளையம் பஸ் ஸ்டாப் பகுதியில், அரசு டவுன் பஸ்சை சிறைபிடித்து மறியலில் ஈடுபட்டனர்.

அப்போது, ' ஆசிரியர் ஜெயபிரகாஷ் மீது தவறு இல்லை. அவரது, சஸ்பெண்ட் உத்தரவை திரும்ப பெற வேண்டும்' என, கோஷம் எழுப்பினர்.

வீரகனுார் போலீசார் பேச்சு நடத்திய பின், 8:00 மணிக்கு மாணவ, மாணவியர் கலைந்து சென்றனர்.

பின், மாணவர்களது பெற்றோர், காலை, 8:20 மணிக்கு, மறியலில் ஈடுபட்டனர். அவர்களுடன் மாணவ - மாணவியரும் பங்கேற்றனர்.

அப்போது போலீசார், 'வரும் 25ல், மாவட்ட கல்வித்துறை அதிகாரிகள், பள்ளிக்கு வந்து விசாரித்து தீர்வு காண்பதாக தெரிவித்துள்ளனர்' என, உறுதி அளித்தனர்.

இதனால், 9:20க்கு, மக்கள் கலைந்து சென்றனர். இச்சம்பவத்தால், சேலம் - பெரம்பலுார் மாவட்ட எல்லை சாலையில், ஒரு மணி நேரம் போக்குவரத்து பாதிக்கப்பட்டது.