/
உள்ளூர் செய்திகள்
/
சேலம்
/
தீரஜ்லால் காந்தி தொழில்நுட்பக்கல்லுாரியில்;'ஐடியேஷன்'25 டெமோ டே' நிகழ்ச்சி
/
தீரஜ்லால் காந்தி தொழில்நுட்பக்கல்லுாரியில்;'ஐடியேஷன்'25 டெமோ டே' நிகழ்ச்சி
தீரஜ்லால் காந்தி தொழில்நுட்பக்கல்லுாரியில்;'ஐடியேஷன்'25 டெமோ டே' நிகழ்ச்சி
தீரஜ்லால் காந்தி தொழில்நுட்பக்கல்லுாரியில்;'ஐடியேஷன்'25 டெமோ டே' நிகழ்ச்சி
ADDED : டிச 01, 2025 03:26 AM
சேலம்:சேலம், தீரஜ்லால் காந்தி தொழில்நுட்பக் கல்லுாரியில் புதுமை, தொழில் முனைவை ஊக்குவிக்கும் நோக்கில், 'ஐடியேஷன்'25 ஐடியா 2 புரோட்டோ டைப் டெமோ டே' நடந்தது. இது, முதலாண்டு, பி.இ.,/பி.டெக்., மாணவர்களின் படைப்புத்திறன், வடிவமைப்பு சிந்தனை, பிரச்னை தீர்க்கும் திறன்களை வெளிக்கொண்டு வரும்படி வடிவமைக்கப்பட்டது. 100 அணிகளில், 500-க்கும் மேற்பட்ட மாணவர்கள், புதுமையான திட்ட முன்மாதிரிகளை வெளியிட்டனர்.
சிறப்பு விருந்தினரான, ஸ்டார்ப்அப் டி.என்., ஈரோடு மற்றும் சேலம் ஹப் திட்டத்தலைவர் குருஷங்கர் செல்வம், புதுமை, ஸ்டார்ட்அப் வாய்ப்புகள், வளர்ந்து வரும் தொழில் முனைவு சூழல் குறித்து, மாணவர்களுக்கு ஊக்கமளிக்கும்படி பேசினார்.
மாணவர்களின் முன்மாதிரிகளை, தொழில்துறை நிபுணர்கள் அடங்கிய நடுவர் குழு மதிப்பிட்டது. அக்குழுவில் முன்னாள் மாணவரான, கோவை ஷ்னெல் எனர்ஜி, சோலார் பிராஜக்ட்ஸ் துணை மேலாளர் மொதிலால் நேஹ்ரு; பெங்களூரு ஹெச்.சி.எல்., டெக்னாலஜிஸ், டெக்னிக்கல் லீட் அருண்குமார் பாலு; சேலம், 'நல்ஸ்' ஏற்றுமதி, இறக்குமதி உரிமையாளர் நவீன்குமார்; சேலம் தவிஷா ரோபோட்டிக்ஸ் அண்ட் 3டி பிரின்ஸ், இணை நிறுவனர், சி.டி.ஓ., கோகுல்ராஜ்; சேலம், 'ஸ்மார்ட்டாம் இன்ஜினியர்ஸ்' உதவி மேலாளர், அருள்முருகன் பங்கேற்றனர்.
இளம் புதுமையாளர்களை ஊக்குவிக்க, 30 சிறந்த அணிகளுக்கு, 50,000 ரூபாய்க்கும் மேல் பரிசு வழங்கப்படும் என, கல்லுாரி நிர்வாகம் அறிவித்தது. மாணவர்களின் முயற்சிகளை, கல்லுாரி செயலர் அர்ச்சனா மனோஜ்குமார், முதல்வர் செல்வராஜ் பாராட்டினர். ஹெட் ராஜசேகர், ரூபினி உள்ளிட்ட, ஐ மற்றும் இ குழுவினர் ஒருங்கிணைத்தனர்.

