நேற்று முன்தினம் கோவில் வளாகத்தில் இரவு, வாஸ்து பூஜை செய்து தீபாராதனை காட்டப்பட்டது. தொடர்ந்து துர்க்கை சன்னதியில் மருத்து சாற்றி கோபுர கலசம், துர்க்கை அம்மன் மற்றும் அருகில் நவகிரகங்கள் பிரதிஷ்டை செய்யப்பட்டது. கும்பாபிஷேகத்தையொட்டி, கோவிலில் நேற்று காலை, 9:00 மணிக்கு கணபதி ஹோமம் செய்து, அதில் வைத்து பூஜை செய்த புனிதநீரை சிவாச்சாரியார்கள் எடுத்து வந்து, 9:45 மணிக்கு கோபுர கலசத்தில் ஊற்றி கும்பாபிஷேகத்தை நடத்தினர். துர்க்கைக்கு அபிஷேகம் அலங்காரம் செய்து தீபாராதனை காட்டப்பட்டது. ஏராளமான பக்தர்கள் கலந்து கொண்டு அம்மனை தரிசனம் செய்தனர்.