மேட்டூர்:மேச்சேரி, பொட்டனேரி ஆடு ஆராய்ச்சி மையம் எதிரே உள்ள கட்டடத்தில் அரிசி கடை, அசைவ ஓட்டல் உள்ளன. நேற்று அதிகாலை, அங்கு காரில் வந்த, 3 பேர், அரிசி கடை பூட்டை உடைத்து, 3 மூட்டை அரிசி, 2 கேன் எண்ணெயை திருடினர். தொடர்ந்து ஓட்டலில் புகுந்து, 200 ரூபாயை திருடினர். பின் பொட்டனேரி பஸ் ஸ்டாப் அருகே உள்ள மளிகை கடை பூட்டை உடைக்க முயன்று, முடியாததால் அங்கிருந்து புறப்பட்டனர். மேலும் மேட்டூர் ஆர்.எஸ்., சென்று, 'குமரன் என்டர்பிரைசஸ்' கடையிலும் பூட்டை உடைக்க முயன்று, முடியாததால் ஏமாற்றம் அடைந்தனர்.