நீர் இருப்பு, 93.47 டி.எம்.சி., கர்நாடகா அணைகளில் திறக்கப்பட்ட உபரிநீர் தொடர்ச்சியாக மேட்டூர் அணைக்கு வருகிறது. இதனால் கடந்த, 3ல், வினாடிக்கு, 818 கனஅடியாக இருந்த, மேட்டூர் அணை நீர்வ-ரத்து படிப்படியாக அதிகரிக்க தொடங்கியது. நேற்று முன்தினம் காலை, அணைக்கு வினாடிக்கு, 79,682 கன-அடி நீர் வந்தது. நேற்று காலை, 60,771 கனஅடியாக இருந்த நிலையில், மாலை, 34,690 கனஅடியாக சரிந்தது. அணையில் இருந்து குடிநீருக்கு வினாடிக்கு, 1,000 கனஅடி நீர் வெளியேற்றப்-பட்டது.திறப்பை விட வரத்து கூடுதலாக உள்ளதால் நேற்று முன்தினம், 83.980 அடியாக இருந்த அணை நீர்மட்டம் நேற்று, 87.72 அடியாக உயர்ந்தது. அதேபோல், 46 டி.எம்.சி.,யாக இருந்த நீர் இருப்பு, 50.08 டி.எம்.சி.,யாக அதிகரித்தது. ஒரே நாளில் நீர்மட்டம், 4 அடி, நீர் இருப்பு, 4 டி.எம்.சி., அதிகரித்தது. 21 நாட்களில் அணை நீர்-மட்டம், 48 அடி, நீர்இருப்பு, 38 டி.எம்.சி., அதிகரித்துள்ளது.பருவ மழை தீவிரம் குறைந்ததால் நேற்று கர்நாடகாவின் கபினி, கே.ஆர்.எஸ்., அணைகளில் இருந்து வினாடிக்கு, 35,695 கனஅடி உபரிநீர் காவிரியில் திறக்கப்பட்டது. இதனால் வரும் நாட்களில் மேட்டூர் அணை நீர்வரத்து குறையும். மேலும் மேட்டூர் அணையில் பாசனத்துக்கு நீர் திறக்க நீர்மட்டம் குறைந்தபட்சம், 90 அடி, நீர்இருப்பு, 52.65 டி.எம்.சி., இருக்க வேண்டும். இன்று அணை நீர்மட்டம், 90 அடியாக உயரும் என, எதிர்பார்க்கப்படுகி-றது.