நீர்பிடிப்பு பகுதியில் பெய்த மழையால் நேற்று மேட்டூர் அணை நீர்வரத்து வினாடிக்கு, 1,385 கனஅடியாக அதிகரித்தது.

மேட்டூர் அணை மொத்த நீர்மட்டம், 120 அடி. கடந்த இரு நாட்களாக மேட்டூர் அணை நீர்பிடிப்பு பகுதியில் பரவலாக மழை பெய்தது. அதற்கேற்ப நேற்று முன்தினம் வினாடிக்கு, 748 கனஅடியாக இருந்த அணை நீர்வரத்து நேற்று, 1,385 கனஅடியாக அதிகரித்தது.

நேற்று அணை நீர்மட்டம், 107.48 அடி, நீர்இருப்பு, 74.87 டி.எம்.சி.,யாக இருந்தது. குடிநீருக்கு, 1,000 கனஅடி நீர் வெளியேற்றப்பட்டது. கடந்த இரு நாட்களாக மேட்டூர் அணை நீர்மட்டம், நீர் இருப்பு ஒரே அளவாக இருந்தது குறிப்பிடத்தக்கது.