சேலம்: சேலம், அஸ்தம்பட்டி ஆய்வு மாளிகையில், மாவட்ட ஊரக வளர்ச்சி முகமை திட்டப்பணி முன்னேற்றம் குறித்து, வட்டார வளர்ச்சி அலுவலர்களுடன் ஆய்வு கூட்டம், நேற்று முன்தினம் நடந்தது. அமைச்சர் ராஜேந்திரன் தலைமை வகித்து பேசியதாவது: கோடை காலம் தொடங்கிய நிலையில், குடிநீர் தேவைக்கு முக்கியத்துவம் அளித்து, அலுவலர்கள் பணிபுரிய வேண்டும். மக்களுக்கு சீரான குடிநீர் வழங்குவதை தொடர்ந்து கண்காணிப்பதோடு, தேவையான முன்னெச்சரிக்கை நடவடிக்கை மேற்கொள்ள வேண்டும்.