இதுகுறித்து அதிகாரிகள் கூறியதாவது: பார்வையற்றோர், தடையின்றி வந்து செல்ல, 7.50 லட்சம் ரூபாய் செலவில் நவீன பாதை அமைக்கப்பட்டு வருகிறது. கலெக்டர் அலுவலக உள் நுழைவாயில் பகுதியில் உள்ள சாய்வு நடைபாதையில் இருந்து, மின்துாக்கி, கலெக்டர் அலுவலக அறை, ஆர்.டி.ஓ., அலுவலகம் செல்லும் அறை வரை, 500 முதல், 600 சதுர அடி வரை, பிளாஸ்டிக் முறையில், 'டைல்ஸ்' ஒட்டப்படுகிறது. இதில் நேராக செல்வதற்கு கோடு, நின்று சரியான இடத்துக்கு செல்ல, புள்ளி வடிவில், டைல்ஸ் ஒட்டப்பட்டுள்ளது. அதேபோல் மின்துாக்கி பகுதியில் இருந்து மாற்றுத்திறனாளிகள் அலுவலகம் செல்லும், 400 சதுர அடி பாதைக்கு டைல்ஸ் ஒட்டப்பட்டுள்ளது. இப்பணி விரைவில் முடிந்து, பார்வையற்ற மாற்றுத்திறனாளிகள் பயன்பெறுவர். இவ்வாறு அவர்கள் கூறினர்.