சென்னையில் இருந்து கோவைக்கு, 44 பயணியருடன், 'கிருஷ்ணா' என்ற தனியார் ஆம்னி பஸ், நேற்று முன்தினம் இரவு புறப்பட்டது. டிரைவர் அசோக்குமார் ஓட்டினார். சேலத்தில் பயணியரை இறக்கிவிட்ட பின், 20க்கும் மேற்பட்டோ-ருடன் பஸ் கோவைக்கு சென்றுகொண்டிருந்தது.

நேற்று காலை, 6:30 மணிக்கு சங்ககிரி அருகே கலியனுாரில் சென்று கொண்டிருந்தபோது, டிரைவரின் கட்டுப்பாட்டை இழந்த பஸ், சாலையோரம் சென்றுகொண்டிருந்த, டி.வி.எஸ்., - எக்ஸ்.எல்., மொபட் மீது மோதியது.

டிரைவர், பஸ்சை சாலைக்கு திருப்ப முயன்றார். ஆனால், பஸ் ஒருபுறம் சாய்ந்து விபத்துக்குள்ளானது. உடனே அதில் இருந்த பயணியர், ஜன்னல்கள் வழியே குதித்து வெளியே வந்தனர். இருப்பினும் பஸ் தீப்பற்றி எரியத்தொடங்கியது. சங்ககிரி தீய-ணைப்புத்துறை வீரர்கள் வந்து தீயை அணைக்க முயன்றனர். தொடர்ந்து சங்ககிரி லாரி உரிமையாளர் சங்க தீயணைப்பு வாக-னமும் வரவழைக்கப்பட்டு, தீ கட்டுக்குள் கொண்டு வரப்பட்டது.

ஆனால், பஸ் மோதியதில் மொபட்டில் சென்ற சங்ககிரி, சின்னா-கவுண்டனுார், வீரபாண்டி நகரை சேர்ந்த பெரியசாமி,60, சம்பவ இடத்தில் உயிரிழந்தார். சங்ககிரி டி.எஸ்.பி., ராஜா தலைமையில் போலீசார், கோவை - சேலம் தேசிய நெடுஞ்சாலையில் போக்கு-வரத்தை மாற்றுப்பாதையில் திருப்பிவிட்டனர். சேலம் எஸ்.பி., கவுதம்கோயல் ஆய்வு செய்தார். சங்ககிரி போலீசார் விசாரிக்கின்-றனர்.

தப்பிய டிரைவர்

இதுகுறித்து போலீசார்

கூறியதாவது:

இறந்த முதியவர், ஐவேலியில் உள்ள லாரி பட்டறையில் இரவு காவலாளியாக பணிபுரிந்ததும், பணி முடிந்து வீடு திரும்பும்-போது விபத்தில் சிக்கியதும் தெரிய

வந்துள்ளது. தீப்பற்றியதில் பஸ்

முற்றிலும் எரிந்துவிட்டது. பஸ்சில் பயணித்தவர்களின் மடிக்க-ணினிகள், மொபைல் போன்கள், துணிகள் உள்ளிட்ட பல்வேறு பொருட்கள் எரிந்துவிட்டன.

இதில் கோவை, சிங்காநல்லுாரை சேர்ந்த ஜெபின், 33, குனிய-முத்துார் முகமது அனீஷ், 25, அவிநாசி முகமது சிராஜூதீன், 30, சென்னை தசரதன், 30, ரோஹினிபிரியா, 32, வைத்தீஸ்வரன், 57, அரக்கோணம் இவாஞ்சலின், 34, திண்டுக்கல், அரியநல்லுார் சேவியர்ராஜ், 34, ஆகியோர் காயமடைந்து சங்ககிரி அரசு மருத்து-வமனையில் அனுமதிக்கப்பட்டுள்ளனர். பஸ் டிரைவர், அந்த வழியே சென்ற வேறு ஒரு பஸ்சில் ஏறி தப்பியுள்ளார்.

இதுகுறித்து வழக்குப்பதிந்து அவரை தேடுகிறோம்.

இவ்வாறு அவர்கள் கூறினர்.