சேலம்:சேலம், உடையாப்பட்டியில், தனியார் பள்ளி பஸ்களுக்கு சிறப்பு ஆய்வு முகாம் நேற்று நடந்தது. அதில், வட்டார போக்குவரத்து அதிகாரிகள் சோதனை மேற்கொண்டனர். அதை கலெக்டர் பிருந்தாதேவி பார்வையிட்ட பின் கூறியதாவது: மாவட்டத்தில், 335 தனியார் பள்ளிகளில் இயங்கி வரும், 2,123 பஸ்களுக்கான ஆய்வு தொடங்கி, வரும், 15 வரை நடக்கிறது. சோதனைக்கு உட்படுத்தப்பட்ட, 180 பஸ்களில், 17 பஸ்களில் சிறு குறைபாடு இருந்தது. இதை சரிசெய்து மீண்டும் சோதனைக்கு உட்படுத்த அறிவுறுத்தப்பட்டுள்ளது.