காவிரி நீர்பிடிப்பு பகுதிகளில் தென்மேற்கு பருவமழை தீவிரத்தால், கர்நாடக அணைகளுக்கு நீர்வரத்து அதிகரித்துள்ளது. இதனால், அங்குள்ள கபினி, கே.ஆர்.எஸ்., உள்ளிட்ட அணைகள் நிரம்பி, அணைக்கும் வரும் உபரிநீர் காவிரியாற்றில் திறக்கப்பட்டு வருகிறது.தமிழக எல்லையான பிலிகுண்டுலுவில் நேற்று முன்தினம் மாலை, 43,000 கன அடியாக இருந்த நீர்வரத்து, 50,000 கன அடியாக நேற்று மாலை அதிகரித்தது. இதனால் அருவிகளில் தண்ணீர் ஆர்ப்பரித்து கொட்டியது. அதேசமயம் காவிரி ஆற்றில் குளிக்க, பரிசல் இயக்க தர்மபுரி மாவட்ட நிர்வாகத்தின் தடை, ௧௦வது நாளாக நேற்றும் தொடர்ந்தது.

இதனால் ஒகேனக்கல்லுக்கு வரும் சுற்றுலா பயணிகளை, மடம் செக்போஸ்டிலேயே போலீசார் திருப்பி அனுப்புகின்றனர்.