போலீசாருக்கு பாராட்டு

இதனிடையே கிச்சிப்பாளையம், எருமாபாளையம் உள்ளிட்ட பல்வேறு பகுதிகளில் மழைநீர் சூழ்ந்து சாலைகளில் பெருக்கெடுத்து ஓடியது. குறிப்பாக காந்தி சிலை அருகே சாக்கடையில் அடைப்பு ஏற்பட்டு, சாலைகளில் கழிவுநீர் கலந்து மழைநீர் ஓடியதால் வாகன ஓட்டிகள் சிரமத்துக்கு ஆளாகினர். மாநகராட்சி நிர்வாகத்துக்கு தகவல் தெரிவிக்கப்பட்டு, அவர்கள் வர தாமதம் ஆனது. இந்நிலையில் டவுன் போலீசார் அங்கு வந்து மழையை பொருட்படுத்தாமல் சாக்கடையில் இறங்கி கால்வாயில் உள்ள அடைப்புகளை அகற்றும் பணியில் ஈடுபட்டனர். இதனால் அவர்களை, மக்கள் பாரட்டினர்.

அதேநேரம் அழகாபுரம், தெரசா நகர் பகுதிகளில் உள்ள குடியிருப்புகளை மழைநீர் சூழ்ந்ததால் மக்கள் வீடுகளில் முடங்கினர். பள்ளி குழந்தைகளை கூட அனுப்ப முடியாமல் பெற்றோர் தவித்தனர். அதேபோல் கலெக்டர் அலுவலகம் அருகே பிரட்ஸ் சாலை குண்டும் குழியுமாக உள்ளது. தற்போது தொடர் மழையால் அச்சாலை மேலும் சீரழிந்து வாகன ஓட்டிகள் அவதிக்கு ஆளாகினர். இச்சாலையை சீரமைப்பதில், மாநகராட்சி நிர்வாகம் அலட்சியம் காட்டுவதாக, மக்கள் குற்றம்சாட்டினர்.