சேலம்: திருப்பத்துார் மாவட்டம் விஷாமங்கலத்தை சேர்ந்தவர் சந்தோசம், 36. இவருக்கு மனைவி, இரு குழந்தைகள் உள்ளனர். சந்தோசம், வெப்படையில் உள்ள தனியார் கட்டுமான நிறுவனத்தில் பொக்லைன் டிரைவராக வேலை பார்த்தார். அவர் நேற்று காலை, 7:30 மணிக்கு, ஹெல்மெட் அணிந்து கொண்டு, சேலம் மாவட்டம் சீரகாபாடியில் புல்லட்டில் வந்து கொண்டிருந்தார். அப்போது கட்டுப்பாட்டை இழந்த புல்லட் தாறுமாறாக ஓடி சாலையோர தடுப்பில் மோதியது. இதில் துாக்கி வீசப்பட்ட அவரை, மக்கள் மீட்டு, சேலம் அரசு மருத்துவமனைக்கு அனுப்பினர். வழியில் அவர் உயிரிழந்தார். ஆட்டையாம்பட்டி போலீசார் விசாரிக்கின்றனர்.