ADDED : செப் 22, 2026 04:25 AM

ஓமலுார்: தனியார் ஸ்பின்னிங் மில் தொழிலாளர்கள், நிலு-வைத்தொகை வழங்கக்கோரி போராட்டத்தில் ஈடுபட்டனர்.
ஓமலுார் ஆர்.சி.,செட்டிப்பட்டி அருகே தனியார் ஸ்பின்னிங் மில் உள்ளது. அங்கு பணிபுரியும் தொழிலாளர்கள் சம்பள உயர்வு, நிலுவைத்-தொகை வழங்க வேண்டும் என்பது உட்பட பல்-வேறு கோரிக்கைகளை வலியுறுத்தி, மில் தொழிலாளர் சங்க தலைவர் ஆறுமுகம் தலை-மையில் மில் அருகே தொடர்ந்து நேற்று, 120வது நாளாக தர்ணா போராட்டத்தில் ஈடுபட்டு வந்-தனர். நேற்று காலை வேலைக்கு வந்த பிற தொழிலாளர்களை, போராட்டத்தில் ஈடுபட்ட நபர்கள் தடுத்து நிறுத்தினர்.ஓமலுார் டி.எஸ்.பி.,செங்கோட்டுவேலன் தலை-மையில் போலீசார் போராட்டக்காரர்
களிடம் பேச்சுவார்த்தை நடத்தினர். தாசில்தார், மில்நிர்வாகம் ஆகியோர் முன்னிலையில் அமைதி பேச்சுவார்த்தை நடத்திடலாம் என டி.எஸ்.பி.,கூறியதை தொடர்ந்து பிற பணியாளர்-களை பணிக்கு செல்ல போராட்டக்காரர்கள் அனு-மதித்தனர். ஆனால் கோரிக்கையை வலியுறுத்தி போராட்டக்காரர்கள் தொடர்ந்து மில் அருகே தர்ணா போராட்டத்தில் ஈடுபட்டனர்.
