தலைவாசல்: தலைவாசல் அருகே மணிவிழுந்தான் ஊராட்சி ராமசேஷபுரத்தில் மக்கள் சந்திப்பு திட்ட முகாம் நேற்று நடந்தது. அதில் கலெக்டர் பிருந்தாதேவி பேசியதாவது: மணிவிழுந்தான் ஊராட்சிக்கு சிறப்பு கவனம் எடுத்து பணி மேற்கொள்ளப்படும். அரசின் திட்டங்களை மக்கள் பயன்படுத்திக்கொள்ள வேண்டும். இந்த முகாமில் வழங்கப்பட்ட மனுக்கள் மீது நடவடிக்கை எடுக்கப்படும். மேலும் இந்த முகாமில் வீட்டுமனை பட்டா, பட்டா மாறுதல், இணையவழி பட்டா மாறுதல், கூட்டுறவு, ஊரக வளர்ச்சித்துறை, தாட்கோ உள்ளிட்ட துறைகள் சார்பில், 132 பயனாளிகளுக்கு, 1.66 கோடி ரூபாய் மதிப்பில் நலத்திட்ட உதவிகள் வழங்கப்பட்டுள்ளன. இவ்வாறு அவர் பேசினார்.