பதிவு செய்து உரிமம் பெறமகளிர் விடுதிகளுக்கு அறிவுரை

சேலம்:மகளிர் விடுதிகள் உரிய முறையில் பதிவு செய்து உரிமம் பெற அறிவுறுத்தப்பட்டுள்ளது.இதுகுறித்து சேலம் கலெக்டர் பிருந்தாதேவி அறிக்கை:

சேலம் மாவட்டத்தில் அரசு, அரசு சாரா நிறுவனங்கள் நடத்தும் பெண்கள் விடுதிகள், அறக்கட்டளை, சங்கங்கள், மதம் சார்ந்த நிறுவனங்கள் நடத்தும் பெண்கள் விடுதிகள், தொழிற்சாலைகளின் கீழ் செயல்படும் பணிபுரியும் மகளிர் விடுதிகள், தனியார் விடுதிகள் என அனைத்து வகை விடுதிகளும் சமூக நலத்துறையில் பதிவு செய்து உரிமம் பெற்றுக்கொள்ள வேண்டும். இதற்கு, https.tnswp.com என்ற இணையதளத்தில் விண்ணப்பிக்க வேண்டும்.

உரிமம் பெறாமல் விடுதி செயல்படுவது குற்றம். மீறி விடுதிகள் செயல்படுவது தெரிந்தால் நிரந்தரமாக மூடப்படும். உரிமம் தொடர்பான விபரங்களுக்கு, கலெக்டர் அலுவலக அறை எண்: 126ல் செயல்படும் சமூக நல அலுவலகத்தை அணுகலாம்.