சேலம், தமிழ்நாடு தொடக்க கல்வி ஆசிரியர் இயக்கங்களின் கூட்டு நடவடிக்கை குழு சார்பில், சேலம், கோட்டை மைதானத்தில், நேற்று காலை, 11:00 மணிக்கு ஆசிரியர்கள் போராட்டத்தில் ஈடுபட்டனர். மாவட்ட ஒருங்கிணைப்பாளர் சங்கர் தலைமை வகித்தார். அதில், தி.மு.க., தேர்தல் வாக்குறுதியான, பழைய ஓய்வூதிய திட்டத்தை அமல்படுத்தல்; மத்திய அரசு ஆசிரியர்களுக்கு இணையான ஊதியம் வழங்குதல்; 50 ஆண்டுக்கு மேலாக நடைமுறையில் இருந்த உயர்கல்வி ஊக்க ஊதிய உயர்வு வழங்குதல் என்பன உள்பட, 10 அம்ச கோரிக்கைகளை வலியுறுத்தினர். தொடர்ந்து சாலையில் அமர்ந்து மறியலில் ஈடுபட்டனர்.