சேலம்: சேலம், அம்மாபேட்டையை சேர்ந்தவர் வெங்கடாசலம், 68. இவர், 'தனம் டெக்ஸ்டைல்ஸ்' பெயரில் வியாபாரம் செய்து வந்தார். இவரிடம், 2004 - 05 முதல், சிவகங்கை மாவட்டம் இளையான்குடியை சேர்ந்த தெய்வசிகாமணி, 60, ரகுராமன், 52, ஆகியோர், ஜவுளியை மொத்த கொள்முதல் செய்து கடைகளுக்கு சப்ளை செய்து வந்தனர். அதில், ஒரு கோடி ரூபாய்க்கு மேல் பாக்கி வைத்து அப்பணத்தை தராமல் போக்கு காட்டினர். ஒரு கட்டத்தில் தெய்வசிகாமணி சிங்கப்பூர் சென்று, சில ஆண்டுகள் தங்கி இருந்த நிலையில், பின் சொந்த ஊர் திரும்பினார்.