இதில் மாவட்டத்துக்கு, 50 மாணவர், 50 மாணவியர் தேர்வு செய்யப்பட்டு, 4 ஆண்டுகளுக்கு தலா, 1,000 ரூபாய் உதவித்தொகை வழங்கப்படுகிறது. நடப்பு கல்வியாண்டு தேர்வு, கடந்த டிச., 21ல் நடந்தது. அதில் மாவட்டம் வாரியாக தேர்ச்சி பெற்ற மாணவ, மாணவியர் பட்டியல் வெளியிடப்பட்டுள்ளது. அதன்படி சேலம் மாவட்டத்தில் ஜலகண்டாபுரம் அரசு மகளிர் மேல்நிலைப்பள்ளியை சேர்ந்த, 20 மாணவியர் தேர்ச்சி பெற்றுள்ளனர். ஒரே பள்ளியில், 20 பேர் தேர்ச்சி பெற்றதால், அப்பள்ளி ஆசிரியர்கள், மாணவியருக்கு பலரும் பாராட்டு தெரிவித்து வருகின்றனர்.