சில நேரங்களில், போதை தலைக்கேறி, அரைகுறை ஆடையுடன் உலா வந்து, களேபரம் செய்கின்றனர். இது தொடர்பாக, டாஸ்மாக் நிர்வாகம்-மக்கள் இடையே மோதல்போக்கு உண்டாகி, இரு தரப்பிலும் வழக்கு நிலுவையில் உள்ளது. இந்நிலையில், அங்குள்ள கோவில் அருகே மூன்றாவதாக டாஸ்மாக் கடை திறக்க நடவடிக்கை மேற்கொள்ளப்பட்டு வருகிறது.

ஏற்கனவே இரு டாஸ்மாக் கடையால் பாதிக்கப்பட்டுள்ளோம். மேலும், இன்னொரு கடையை திறந்தால், நிரந்தர பிரச்னையாகிவிடும். எனவே பள்ளி, கல்லுாரி செல்லும் மாணவ, மாணவியர், கோவிலுக்கு செல்வோர் உள்பட அனைவரின் நலன் கருதி, டாஸ்மாக் கடை திறப்பதை தடுக்க மாவட்ட நிர்வாகம் நடவடிக்கை எடுக்க வேண்டும். இவ்வாறு குறிப்பிட்டுள்ளனர்.

முன்னதாக, கலெக்டர் அலுவலக நுழைவு முன், தரையில் அமர்ந்து, டாஸ்மாக் மதுக்கடை திறக்க எதிர்ப்பு தெரிவித்து, தர்ணாவில் ஈடுபட்டனர். போலீசாரின் பேச்சுவார்த்தைக்கு பின், மனு அளித்து சென்றனர்.