இடைப்பாடி : கொங்கணாபுரம் கூட்டுறவு விற்பனை சங்கத்தில், கடந்த மூன்று நாட்களில், 15 ஆயிரம் பருத்தி மூட்டைகள், 2 கோடி ரூபாய்க்கு ஏலம் போனது.திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின் கொங்கணாபுரம் கிளையில், சனிக்கிழமைதோறும் பருத்தி ஏலம் நடக்கிறது. பருத்தி வரத்து அதிகம் உள்ள நேரங்களில், வெள்ளி, சனி, ஞாயிறு ஆகிய மூன்று நாட்கள் ஏலம் நடக்கும்.இங்கு நடக்கும் பருத்தில் ஏலத்தில், பல்வேறு ஊர்களில் இருந்து வரும் வியாபாரிகள் கலந்துகொள்வர். மற்ற இடங்களை காட்டிலும் இங்கு பருத்திக்கு கூடுதல் விலை கிடைத்து வருவதால், ஏராளமான விவசாயிகள் பருத்தியை கொண்டு வந்து விற்பனை செய்கின்றனர்.