சேலம்: சேலத்தில், அரசு டவுன் பஸ்ஸில் வரும் போது, ஒன்றரை லட்சம் ரூபாய் மாயமாகி விட்டதாக, நகை தொழிலாளி புகார் தெரிவித்துள்ளார்.சேலம் அம்மாபேட்டை, பாலாஜி நகர், 4வது கிராஸில் வசிப்பவர் மகன் ராஜா (39). இவர், மேச்சேரியில், ராமன் என்பவருக்கு சொந்தமான நகைப்பட்டறையில், 7 ஆண்டாக வேலை செய்து வருகிறார்.சேலம் பழைய பஸ் ஸ்டாண்ட் அருகே, பெரியார் தெருவில், நகை வியாபாரி பிரபாகரனிடம் நேற்று, 1.5 லட்சம் ரூபாயை வசூல் செய்த ராஜா, பணத்தை ரெக்ஸின் பையில் வைத்து கொண்டு, காலை 11.30 மணியளவில் அரசு டவுன் பஸ்சில் புது பஸ் ஸ்டாண்டுக்கு வந்துள்ளார். அப்போது, பையில் வைத்திருந்த பணம் மாயமாகி விட்டதாக, பள்ளப்பட்டி ஸ்டேஷனில் புகார் தெரிவித்துள்ளார்.