இதில், கல்லூரி முதல்வர்களால் தேர்ந்தெடுக்கப்பட்ட சந்திரசேகரன், கண்ணன், கல்லூரி ஆசிரியர்களால் தேர்ந்தெடுக்கப்பட்ட மாது, சிவக்குமார் ஆகிய நான்கு சிண்டிகேட் உறுப்பினர்களின் பதவிக்காலம், கடந்த மாதத்துடன் நிறைவு பெற்றது. இதையடுத்து, புதிய சிண்டிகேட் உறுப்பினர் பணியிடங்களை நியமிப்பதற்கான தேர்தல் நேற்று நடந்தது.இத்தேர்தலில், சேலம் சவுடேஸ்வரி கல்லூரி முதல்வர் சிங்காரம், சேலம் வைஸ்யா கல்லூரி முதல்வர் வெங்கடேசன், ஆசிரியர்கள் அருள், பழனியாண்டி ஆகியோர் சிண்டிகேட் உறுப்பினர்களாக தேர்ந்தெடுக்கப்பட்டனர். புதிய சிண்டிகேட் உறுப்பினர்களுக்கு, துணைவேந்தர் முத்துச்செழியன், ஆக்டா அமைப்பின் மாநில தலைவர் ராஜா உள்ளிட்டோர் வாழ்த்து தெரிவித்தனர்.