சேலம் மாவட்டம் மேட்டூர், கருமலைக்கூடல், சுப்ரமணிய நகரை சேர்ந்தவர் சக்திவேல், 42. இவர் சேலம் நீதிமன்றத்தில், டீ, தின்-பண்டம் விற்க ஒப்பந்தம் எடுத்து பணிபுரிகிறார். இவரது மனைவி தீபிகா, 38. சக்திவேல் வீடு அருகே, தீபிகாவின் சகோ-தரி தேன்மொழி, 42, வசிக்கிறார்.

சேலம், கருப்பூர், வெள்ளாளப்பட்டி, ஜெ.ஜெ.நகரை சேர்ந்தவர் மணிகண்டன், 28. முடிதிருத்தகம் வைத்துள்ளார். இவர் ஏற்க-னவே, வெளியே சந்தித்து அறிமுகமானதன் அடிப்படையில், 2023ல், சக்திவேல் வீட்டுக்கு சென்றார். ஆனால் அப்போது, 'நான் சென்னை தலைமை செயலகத்தில் அதிகாரியாக உள்ளேன். அரசு துறையில் வேலை வாங்கி தருகிறேன்' என, தீபிகா, தேன்-மொழியிடம் கூறினார். தொடர்ந்து தீபிகாவிடம், 2.50 லட்சம், தேன்மொழியிடம், 2 லட்சம் ரூபாய் தர வேண்டும் என கேட்-டுள்ளார்.

அதை நம்பி, 2024 ஜூன், 16ல் இருவரும், 25,000 முன்பணம் கொடுத்தனர். தொடர்ந்து மீதி பணத்தை, கூகுள் பே, வங்கி பரி-வர்த்தனை, ரொக்கமாக கொடுத்தனர். இறுதியாக ஆக., 23ல் மொபைலில் பணம் கொடுத்த இருவரிடமும், 'தமிழ்நாடு அரசு தேர்வாணையத்தில் இருந்து உங்கள் வேலைக்கான உத்தரவு வந்-துவிட்டது' என கூறியுள்ளார். தொடர்ந்து உத்தரவை, 'வாட்-ஸாப்'பில் இருவருக்கும் அனுப்பினார். அந்த உத்தரவுடன் இரு-வரும், சேலம் கலெக்டர் அலுவலகத்தில் கிளர்க் வேலையில் சேர சென்றனர். அப்போதுதான் மணிகண்டன் வழங்கியது போலி உத்தரவு என தெரிந்தது.

மோசடி செய்யப்பட்டதை உணர்ந்த இருவரும், மணிகண்ட-னிடம் கொடுத்த பணத்தை திரும்ப கேட்டனர். அதற்கு மழுப்ப-லாக பதில் அளித்த மணிகண்டன், பணம் தராமல் இழுத்தடித்-துள்ளார். இதுகுறித்து சக்திவேல், சேலம் எஸ்.பி., கவுதம் கோய-லிடம் புகார் செய்தார். அவரது உத்தரவுப்படி நேற்று கருமலைக்-கூடல் போலீசார் வழக்குப்பதிந்து, மணிகண்டனை கைது செய்-தனர்.