மேட்டூர் ஆர்.எஸ்., பகுதியை சேர்ந்தவர் கோகுல்சங்கர், 21. சலுான் கடை வைத்து தொழில் செய்து வந்தார். இவர் கடந்த, 2ல், 'அக்சஸ்' மொபட்டில் தாரமங்கலத்தில் இருந்து, வெள்ளாளபுரத்தில் உள்ள மாமனார் வீட்டுக்கு சென்றுகொண்டிருந்தார்.

இரவு, 8:30 மணிக்கு, சின்னப்பம்பட்டி அருகே முனியப்பன் கோவில் பகுதியில் சென்றபோது, டிராக்டர் திரும்பியபோது, அதில் மோதிய கோகுல்சங்கர் படுகாயம் அடைந்தார். அவரை மக்கள் மீட்டு சேலம் அரசு மருத்துவமனைக்கு அனுப்பினர். ஆனால் அவர் இறந்துவிட்டதாக, மருத்துவர்கள் கூறினர். தாரமங்கலம் போலீசார் விசாரிக்கின்றனர்.