பிரதோஷத்தை முன்னிட்டு இன்று மாலை, நந்தியம்பெருமானுக்கு சிறப்பு அபி ேஷகம் செய்து பூஜை நடக்கிறது. இரவு முழுதும் சிவ சகஸ்ர நாம அர்ச்சனை, திருவாசகம் முற்றோதல், பக்தர்களால் பாராயணம் செய்யப்படுகிறது. நாளை அதிகாலை, 4:00 மணிக்கு சக்தி அழைத்தல், தொடர்ந்து பஞ்சமுக கப்பரை எடுத்தல், உடைத்தல் பலகார படையல் பூஜை நடக்க உள்ளது. மதியம் சக்தி கரக ஊர்வலம், ஊஞ்சல் உற்சவம் நடக்கும்.

வரும், 10 காலையில் பிள்ளைப்பாவு எடுக்கும் ஊர்வலம், இரவு மயான கொள்ளை, தக்கனுக்கு உயிர் கொடுத்தல்; 11ல் கொடி இறக்கம், மஞ்சள் நீராட்டு உற்சவத்துடன் திருவிழா நிறைவு பெறும்.

இன்று விடிய விடிய அபிேஷகம்

சேலம், உத்தமசோழபுரம் கரபுரநாதர் கோவிலில் பிரதோஷமான இன்று மாலை, கரபுரநாதர், பெரியநாயகி அம்மன் ரிஷப வாகனத்தில் எழுந்தருள செய்து பூஜை நடக்கிறது. தொடர்ந்து சிவராத்திரியையொட்டி இரவு, 8:00 மணிக்கு முதல் கால பூஜை, 10:30 மணிக்கு, 2ம் கால பூஜை, நள்ளிரவு, 12:00 மணிக்கு, 3ம் கால பூஜை, அதிகாலை, 4:30 மணிக்கு, 4ம் கால பூஜை என விடிய விடிய கரபுரநாதருக்கு பால், தயிர், இளநீர் உள்ளிட்ட பல்வேறு வகை மங்கல பொருட்களால் சிறப்பு அபிேஷகம் நடக்கிறது. நாளை காலை சர்வ அலங்காரத்தில் கரபுரநாதருக்கு மகா தீபாராதானையுடன் சிறப்பு பூஜை நடக்கும். மேலும் அன்னதானம் வழங்கப்

படவுள்ளது.