இடைப்பாடி : இடைப்பாடி, வேம்பனேரி ஏரியில் வண்டல் மண் எடுக்க, விவசாயிகளுக்கு அனுமதி அளிக்கப்பட்டுள்ளது. ஆனால் விவசாயிகள் போர்வையில், மண் கடத்தப்படுவதாக புகார் எழுந்தது. இதுகுறித்து அப்பகுதி மக்கள் புகார் அளித்தும் நடவடிக்கை இல்லை. இதனால் ஆத்திரமடைந்த மக்கள், நேற்று வேம்பனேரியில் சாலை மறியலில் ஈடுபட்டனர். காலை, 8:00 முதல், 10:00 மணி வரை அரசு பஸ்கள், தனியார் பள்ளி பஸ்கள் உள்ளிட்ட வாகனங்கள், 2 மணி நேரமாக செல்ல முடியாமல் அணிவகுத்தன.