இதுகுறித்து போலீசார் கூறியதாவது:பேளூரில் புகுந்த மானை வனக்காப்பாளர்கள் ஆனந்த், பெரியசாமி பிடிக்கச்சென்றனர். அதே பகுதியை சேர்ந்த மணிக்கு சொந்தமான பெட்டி கடைக்குள் மான் புகுந்தது. மணியை, மான் அருகே செல்லக்கூடாது என வனத்துறையினர் தெரிவித்தனர். இதில் மணிக்கும், வனத்துறையினருக்கும் வாக்குவாதம் ஏற்பட்டது. தொடர்ந்து வனத்துறையினர், மணியை தள்ளிவிட்டனர். தந்தையை தள்ளிவிட்டதாக, மணி மகன் தீபனுக்கு தகவல் கிடைத்தது. ஆத்திரமடைந்த தீபன், அங்கு வந்து ஆனந்தை அறைந்துவிட்டார். காயமடைந்த அவர் வாழப்பாடி அரசு மருத்துவமனையில் அனுமதிக்கப்பட்டுள்ளனர். அவர் புகார்படி, மணி, தீபனை கைது செய்தோம்.இவ்வாறு அவர்கள் கூறினர்.