சேலம் : சேலம் லோக்சபா தொகுதியில் பதிவான ஓட்டுகள் எண்ணும் பணி, கருப்பூர் பொறியியல் கல்லுாரி வளாகத்தில் நேற்று காலை, 8:00 மணிக்கு தொடங்கி நடந்தது. பாதுகாப்பு பணியில், 1,500 போலீசார் ஈடுபட்டனர். அதில் சேலம் மாநகர் சிறார் குற்ற தடுப்பு பிரிவு சிறப்பு எஸ்.ஐ., சங்கர், 57, பிரதான நுழைவாயில் பகுதியில் பணியில் இருந்தார். காலை, 10:30 மணிக்கு அவர் மயங்கி விழுந்தார். அவருக்கு தேர்தல் பணி சிறப்பு மருத்துவ குழுவினர், முதலுதவி செய்தனர். தொடர்ந்து ஆம்புலன்ஸ் மூலம் சேலம் அரசு மருத்துவமனைக்கு அனுப்பப்பட்டார்.