மா.கம்யூ., மாநிலக்குழு உறுப்பினர் குமார் பேசுகையில், ''60 ஆண்டுக்கு மேலாக இயங்கும் துணை அஞ்சலகத்தை மூடினால், சுற்றுப்புற பகுதிகளை சேர்ந்த, 50,000க்கும் மேற்பட்டோர் பாதிக்கப்படுவர். துணை அஞ்சலகம் மூடும் நடவடிக்கையை கைவிட வேண்டும்,'' என்றார்.

தொடர்ந்து வரும், 27 முதல், அரிசிப்பாளையம் துணை அஞ்சலகம் மூடப்பட்டு, அவை, லீ-பஜார் அஞ்சலகத்துடன் இணைக்கப்படுகிறது என அறிவிப்பு வெளியிடப்பட்டுள்ளது.

தற்போது மேற்கு கோட்ட அஞ்சலகத்தில், 45 துணை அஞ்சலகம் உள்ளது. ஏற்கனவே, ராசிபுரம் பஜார், சேலம் காசக்காரனுார் துணை அஞ்சலகங்கள் மூடப்பட்டன. தொடர்ந்து, ரயில்வே நகர், அரிசிப்பாளையம் துணை அஞ்சலகம் மூடப்படுவதால், துணை அஞ்சலக எண்ணிக்கை, 43 ஆக குறைகிறது.

அதேபோல் கிழக்கு கோட்டத்தில், 53 துணை அஞ்சலகங்கள் உள்ளன. ஏற்கனவே, மரவனேரி, மரக்கடை, செவ்வாய்ப்பேட்டை பஜார் உள்பட, 7 துணை அஞ்சலகம் மூடப்பட்ட நிலையில், வரும் 28ல், சேலம், 2ம் அக்ரஹாரத்தில் உள்ள தில்லை நகர் துணை அஞ்சலகம் மூடப்பட்டு, கிழக்கு தலைமை அஞ்சலகத்தில் இணைப்பதால், துணை

அஞ்சலக எண்ணிக்கை, 52 ஆக குறைகிறது.

இதுகுறித்து அஞ்சல் அதிகாரி கள் கூறுகையில், 'தபால் பட்டுவாடா பிரிவு இல்லாத அனைத்து துணை அஞ்சலகமும் மூடப்படுகிறது. அதற்கு தனித்துவ பின்கோடு எண் இருக்காது,'' என்றார்.