சேலம்: இடைநிலை பதிவு மூப்பு ஆசிரியர் இயக்கம் சார்பில், சேலம் கோட்டை மைதானத்தில், தர்ணா போராட்டம் நேற்று நடந்தது. மாவட்ட தலைவர் ராஜேந்திரன் தலைமை வகித்தார்.மாவட்ட செயலர் செந்தமிழ்செல்வன் பேசுகையில், ''சம வேலைக்கு சம ஊதியம் என்ற ஒற்றை கோரிக்கையை வலியுறுத்தி, தொடர்ந்து, 13ம் நாளாக போராடி வருகிறோம். சேலம் மாவட்டத்தில், 560 இடைநிலை பதிவு மூப்பு ஆசிரியர்கள் உள்ளனர். அதில், 507 பேர் இன்று(நேற்று) பணியை புறக்கணித்து, ஆர்ப்பாட்டத்தில் ஈடுபட்டுள்ளோம்,'' என்றார்.