மல்லியக்கரை போலீசார், ராஜி, அவரது மருமகனான, வெள்ளிமலை ஆர்.ஐ., வெங்கடேஷ், உறவினர்கள் அருள்மணி, வினோ மீது கொலை வழக்கு பதிவு செய்தனர்.

ராஜி, அருள்மணி, வினோவை கைது செய்தனர். ஆர்.ஐ.,யை கைது செய்யக்கோரி, ஜோதிவேலின் உடலை வாங்க மறுத்து, அவரது உறவினர்கள், சேலம் கலெக்டர் அலுவலகம் முன், இரு நாட்களாக தர்ணாவில் ஈடுபட்டனர்.

நேற்று ஜோதிவேலின் உறவினர்கள், கீரிப்பட்டியில் உண்ணாவிரதம் இருக்க முயன்றனர். மல்லியக்கரை போலீசார், பேச்சு நடத்தினர். அப்போது, 'ஆர்.ஐ., மீது குற்றம் உறுதியானால் கைது நடவடிக்கை எடுக்கப்படும்' என உறுதி அளித்தனர். அதையேற்ற உறவினர்கள், உண்ணாவிரதம் நடத்தாததோடு, ஜோதிவேலின் உடலை பெற்றுக்கொள்வதாக தெரிவித்தனர். தொடர்ந்து அவரது உடலை பெற்றுக்கொண்டதாக, போலீசார் தெரிவித்தனர்.