ஆத்துார்: ஆத்துார் சம்போடை வன மதுரகாளியம்மன் கோவிலுக்கு சமீப காலமாக மது பழக்கத்துக்கு அடிமையான பலர் வருகின்றனர். மதுரகாளியம்மனிடம் சத்தியம் செய்து, அம்மன் மடியில் வைக்கப்பட்ட எலுமிச்சம்பழத்தை சாப்பிட்டு கையில் கயிறு கட்டி செல்கின்றனர். இதேபோல் நேற்றும் பலர் கயிறு கட்டிக் கொண்டனர். அவர்களுக்கு பூசாரி ராஜாமணி கயிறு கட்டினார். முன்னதாக அவர்கள், 'இனி மது குடிக்க மாட்டேன்' என, சுவாமி எதிரே கற்பூரத்தை அணைத்து சத்தியம் செய்தனர்.