வீரபாண்டி: ஆட்டையாம்பட்டி அருகே எஸ்.பாப்பாரப்பட்டி ஏரி கரையில், எஸ்.பாப்பாரப்பட்டி ஊராட்சி சார்பில் இறந்த முன்னோருக்கு ஈமச்சடங்கு செய்வதற்கு மண்டபம் கட்டப்பட்டது. ஆண், பெண் உடை மாற்றும் அறைகளுடன், 15 ஆண்டுக்கு முன் கட்டி பயன்பாட்டில் இருந்தது. ஆனால் முறையாக பராமரிப்பின்றி, 5 ஆண்டுக்கு மேலாக பூட்டியே கிடந்தது. இந்த ஏரியில் மீன்பிடி உரிமம் குத்தகை எடுப்பவர்கள், அந்த மண்டபத்தை கட்டுப்பாட்டில் வைத்திருந்தனர். இந்நிலையில், 3 மாதங்களாக ஈமச்சடங்கு கட்டடம் திறந்தே கிடக்கிறது.