இந்த தடுப்பணையில், 0.33 மில்லியன் கனஅடி நீர் தேங்கி நிற்கும். அதேபோல் ஆண்டுக்கு மூன்று முறை நிரம்புவதன் மூலம், மொத்தம், 0.99 மி.கனஅடி நீர் சேமிக்கலாம். அதன்மூலம் நேரடியாக, 83.2 ஏக்கர் ஆயக்கட்டு பகுதி பாசன வசதி பெறும். மேலும் சின்னமசமுத்திரம், கணேசபுரம், ஏத்தாப்பூர் உள்ளிட்ட கிராமங்களில் கிணறு, போர்வெல், கண்மாய் உள்ளிட்ட நீர்நிலைகளின் நிலத்தடி நீர்மட்டம் கணிசமாக அதிகரிக்கும்.தமிழக நீர்வளத்துறை சார்பில் அதற்கான ஒப்பந்தம், கடந்த அக்டோபரில் விடப்பட்டதால், விரைவில் கட்டுமானப்பணி தொடங்க வாய்ப்புள்ளதாக, அதிகாரிகள் தெரிவித்தனர்.