சேலம் மாவட்டம், மேட்டூர் அணையின் மொத்த நீர்மட்டம், 120 அடி. கடந்த மாதம், 28ல் அணை நீர்மட்டம், 110.75 அடியாகவும், நீர் இருப்பு, 79.47 டி.எம்.சி.,யாகவும் இருந்தது. அன்றைய தினம் வினாடிக்கு, 4,000 கனஅடியாக இருந்த டெல்டா நீர் திறப்பு மாலை, 6:00 மணிக்கு நிறுத்தப்பட்டு குடிநீருக்காக, 500 கனஅடி நீர் வெளியேற்றப்பட்டது. இதனால் அணை, சுரங்க மின் நிலையங்களில் மின் உற்பத்தி நிறுத்தப்பட்டது. அணை, 8 கண் மதகு வழியாக காவிரியாற்றில் கடந்த, 26 நாட்களாக தண்ணீர் வெளியேற்றப்பட்டது.

குடிநீருக்கான தேவை அதிகரித்ததால் நேற்று முன்தினம் மாலை, 5:00 மணிக்கு நீர் திறப்பு வினாடிக்கு, 1,000 கனஅடியாக அதிகரிக்கப்பட்டது. அந்த நீர், அணை மின் நிலையம் வழியாக வெளியேற்றப்பட்டது. இதனால் கடந்த மாதம், 28ல் மாலை, 6:00 மணிக்கு அணை, சுரங்க மின் நிலையங்களில் நிறுத்தப்பட்ட மின் உற்பத்தி நேற்று முன்தினம் மாலை, 5:00 மணி முதல் மீண்டும் துவங்கியது. நேற்று அணை நீர்மட்டம், 109.33 அடி, நீர் இருப்பு, 78.16 டி.எம்.சி.,யாக இருந்தது. அணைக்கு வினாடிக்கு, 284 கனஅடி நீர் வந்தது.